Qýanysh Súleımenov Abaı oblysy ákiminiń orynbasary bolyp taǵaıyndaldy
SEMEI. KAZINFORM – Abaı oblysy ákiminiń orynbasary laýazymyna Qýanysh Súleımenov taǵaıyndaldy.
Qýanysh Serqazyuly 1973 jyly burynǵy Semeı oblysynyń Shar qalasynda týǵan. Semeı memlekettik ýnıversıtetiniń tarıh fakýltetin bitirdi.
Oqýyn Qazaq memlekettik zańgerlik akademııada, Semeı qalasyndaǵy Shákárim atyndaǵy memlekettik ýnıversıtette «Mal sharýashylyǵy ónimderin óndirý tehnologııasy» mamandyǵy boıynsha jalǵastyryp, aýylsharýashylyq ǵylymdarynyń magıstri atanǵan.
«Shalabaı» JShS bas dırektory qyzmetin atqardy. VII saılanǵan Abaı oblystyq máslıhatynyń hatshysy bolǵan.
2023 jyldyń naýryz aıynda Abaı oblystyq máslıhatynyń tóraǵasy qyzmetine saılanyp, osy ýaqytqa deıin jumys istedi.
Eske salsaq, osyǵan deıin Talǵat Muratov Semeı qalasynyń ákimi bolyp taǵaıyndalǵany habarlanǵan.