«Qýanysh» komandasy — voleıboldan Qazaqstan chempıonatynyń qola júldegeri

TÚRKІSTAN. KAZINFORM — Túrkistan qalasynda voleıboldan áıelderdiń Ulttyq lıga komandalary arasynda HHHІІ Qazaqstan chempıonaty aıaqtaldy.

Búgin sońǵy oıynda «Qýanysh» (SQO) pen «Jetisý» (Taldyqorǵan) komandalary qola júldeni sarapqa saldy.

Osyǵan deıin qos klýb úshinshi oryn úshin básekede bir jeńisten qol jetkizip, tarazy basy teń turǵan-dy — 1:1.

Bul joly «Qýanyshtyń» bas bapkeri Azamat Esimov bastapqy quramda reseılik Anastasııa Bavykına, slovenııalyq baılanystyrýshy Eva Pavlovıch Morı, ýkraınalyq ıÝlııa Dymar, sondaı-aq qazaqstandyqtar Margarıta Belchenko, Natalıa Smırnova, Polına Ýfımtseva jáne lıbero Sábıra Bekishevaǵa senim artty.

Taldyqorǵandyqtardy jattyqtyratyn serbııalyq maman Marko Grshıch baılanystyrýshy Anna Tarasova, Karına Denısova, Irına Kenjebaeva, Tatıana Aldoshına,

Valerııa Chýmak, Olga Hadjıoglo jáne lıbero Marııa Syrygınany shyǵardy.

Birinshi partııa bel ortadan asa bere «Qýanysh» alǵa shyǵyp, sol basymdylyqty bergen joq — 25:22.

Ekinshisinde kerisinshe «Jetisý» 9:6 esebimen alǵa ketkenimen, soltústikqazaqstandyqtar teńestire bildi.

M.Grshıch oıynshylardy almastyryp, baılanystyrýshy Álııa Batkýldına, Perızat Nurbergenova, Tatıana Nıkıtınany qosyp kórdi. Biraq «Qýanysh» kúsh bermedi — 25:18.

Úshinshi sette «Jetisý» edáýir upaı aıyrmashylyǵymen alǵa ketken kezde A.Esimov baılanystyrýshy Botagóz Esimhandy, qysqa merzimge shabýylshy Ekaterına Seleznevany shyǵardy.

Taldyqorǵandyqtar sapynda P.Nurbergenova da sátti oınady. Bul partııa Grshıch shákirtteriniń enshisine jazyldy — 25:21.

Sońǵy sette «Qýanysh» qarsylastaryna esh múmkindik qaldyrǵan joq — 25:14. Qorytyndy esep — 3:1.

Osylaısha, ótken jyly kúmis júldeger atanǵan «Qýanysh» bıyl bir saty tómendep, úzdik úshtikti túıindedi. Al 2023 jyly Óskemenniń «Altaıymen» birge altyn alǵan M.Grshıch bıyl múldem júldesiz qaldy. 

Endi 24 naýryzda Pavlodarda erlerdiń ulttyq lıga komandalary arasynda pleı-off básekeleri bastalady.

Eske sala keteıik, budan buryn «Turannyń» óz tarıhynda tuńǵysh ret voleıboldan el chempıony atanǵanyn jazǵan bolatynbyz.