Qýanysh Daıyrbekov Kólik mınıstrliginiń apparat basshysy bolyp taǵaıyndaldy

ASTANA. KAZINFORM — Qazaqstan Respýblıkasy Kólik mınıstriniń buıryǵymen Daıyrbekov Qýanysh Rysbekuly Kólik mınıstrliginiń apparat basshysy qyzmetine taǵaıyndaldy. Bul týraly Úkimettiń Baspasóz qyzmeti habarlaıdy. 

Qýanysh Rysbekuly 1978 jyly Almaty qalasynda dúnıege kelgen.

Qazaq memlekettik basqarý akademııasyn, Qazaq quqyqtaný jáne halyqaralyq qatynastar ınstıtýtyn bitirgen.

Eńbek jolyn 2000 jyly Astana qalasynda «Qazaqteńizkólikfloty» Ulttyq teńiz keme qatynasy kompanııasy» JAQ ınjeneri bolyp bastady.

2002 jyly – QR Memlekettik kirister mınıstrligi Óndiristik emes tólemder departamentiniń jetekshi mamany.

2002–2013 jyldary – QR Qarjy mınıstrligi qurylymdarynda jetekshi mamannan basqarma basshysyna deıingi túrli laýazymda jumys istedi.

2013–2016 jyldary – QR Parlamenti Májilisi apparaty Qarjy jáne bıýdjet komıtetiniń qyzmetin qamtamasyz etý bóliminiń bas konsýltanty.

2016–2023 jyldary – QR Prezıdenti Ákimshiliginiń Memlekettik qyzmet bóliminiń konsýltantynan bastap Memlekettik qyzmet jáne kadr saıasaty bóliminiń meńgerýshisiniń orynbasaryna deıingi túrli laýazymda qyzmetter atqardy.

Aıta ketelik Serik Saırov «Qazsýshar» ǴZI bas dırektory bolyp taǵaıyndalǵan edi.