Almatydaǵy eski úılerdiń 40%-dan astamy Túrksib aýdanynda ornalasqan

ALMATY. KAZINFORM — Almaty ákimi Erbolat Dosaev Túrksib aýdanyndaǵy 586 eski úıdi renovatsııalaý jospary týraly aıtyp berdi.

Aıtýynsha, Almatyda 1 366 eski úı bar, onyń 40% - dan astamy Túrksib aýdanynda ornalasqan.

— Byltyr Kassın jáne Saýranbaev kóshelerinde 13 jańa kóppáterli turǵyn úıdiń qurylysy aıaqtaldy. Altaı - 2 shaǵyn aýdanynda 6 buzylǵan úıdiń ornyna toǵyz qabatty 3 úıdiń qurylysy júrip jatyr. Sondaı-aq Saýranbaev kóshesinde 3 úıdi buzý josparlanyp otyr, odan keıin 8 jańa kóppáterli turǵyn úı salynady, — dedi Erbolat Dosaev. 

Qala ákimdigi 2030 jylǵa deıin turǵyn úıdi renovatsııalaýdyń jańa baǵdarlamasyn ázirlegen edi. 

— Baǵdarlamanyń negizgi qaǵıdaty-qurylysty toqsandyq júrgizý. Ǵımarattardy kóshirý jáne buzý barlyq eski turǵyn úı ıeleriniń kelisimimen ǵana júzege asyrylatyn bolady. Bul rette menshik ıelerine «bólme úshin bólme» qaǵıdaty boıynsha aıyrbastaý nemese naryqtyq quny boıynsha aqshalaı ótemaqy alý múmkindigi beriledi.Jaıly qalalyq orta qurý qala ákimdigi jumysynyń basty baǵytynyń biri,—dedi qala ákimi.

Baǵdarlamada 676 eski úıdi jańartý qarastyrylǵan. Onyń 71-i tektonıkalyq jaryqshaqtarda ornalasqan.