Qýandyq Bıshimbaev jazasyn qaýipsizdigi ortasha túzeý mekemesinde óteıtin boldy
TÚRKІSTAN. QazAqparat - Qýandyq Bıshimbaev jazasyn qaýipsizdigi ortasha túzeý mekemesinde óteıtin boldy. Tóle bı aýdandyq soty sottalýshynyń talap-aryzyn osylaısha ishinara qanaǵattandyrdy, dep habarlaıdy QazAqparat tilshisi.
Oblystyq sottyń baspasóz qyzmeti málimetinshe, búgin Tóle bı aýdandyq sotynda eks-mınıstr Qýandyq Bıshimbaevqa qatysty sot úkimine ózgerister engizildi.
«Bastapqyda berilgen talap-aryzda sottalýshynyń jazasyn qonys kolonııasyna aýystyrýdy suraǵan. Alaıda sot jazasyn óteýshiniń sottalǵan baptarynda Qylmystyq kodekstiń 189-baby 4-bóligi 2-tarmaǵy bar ekenin eskergen. Zań boıynsha bul bap boıynsha qaýipsizigi ortasha deńgeıegi túzeý mekemesine ǵana aýystyrý qarastyrylǵan. Sondyqtan jazasyn óteý tártibi tek qaýipsizdigi ortasha deńgeıdegi túzeý mekemesine aýystyryldy», - delingen habarlamada.
Aıta keteıik, buǵan deıin sottalǵan mınıstrdiń qorǵaýshysy Tólebı aýdandyq sotyna Qýandyq Bıshimbaevtyń jazasyn óteý tártibin ózgertýdi suraǵan bolatyn. Tipti onyń tártibi qonys kolonııasyna ózgertilse dep kórsetken.
Aıta keteıik, buǵan deıin sottalǵan mınıstrdiń qorǵaýshysy Tóle bı aýdandyq sotyna Qýandyq Bıshimbaevtyń jazasyn óteý tártibin ózgertýdi suraǵan bolatyn.
Eske salaıyq, osy jyldyń naýryz aıynda burynǵy Ulttyq ekonomıka mınıstri Qýandyq Bıshimbaev múlki tárkilenip, 10 jylǵa sottalǵan. Sonymen birge, ol ómir boıy memlekettik qyzmette jumys isteý quqyǵynan aıyrylǵan bolatyn. Sottalýshy qazir jazasyn Túrkistan oblysyna qarasty Tóle bı aýdanyndaǵy qaýipsizdigi eń joǵary túzeý mekemesinde óteýde.
