Qýandyq Bıshimbaev Qashaǵannyń alǵashqy paıdasy týraly aıtty

ASTANA. QazAqparat - 2016 jyldyń qyrkúıeginde jumysyn bastaǵan Qashaǵan munaı ken orny Qazaqstannyń osy jyldaǵy munaı óńdeý kórsetkishin əldeqaıda joǵarylatqan.

Bul týraly búgin Úkimet otyrysynda Ulttyq ekonomıka mınıstri Qýandyq Bıshimbaev məlim etti, dep habarlaıdy QazAqparat.

"2015 jyldyń qarashasyndaǵy kórsetkishpen salystyrsaq, 2016 jyldyń qarashasynda munaı óńdeýdegi ósim 3 paıyzdy qurady. Osylaısha, munaı alý boıynsha 11 aıda tıisti jospardy 2,4 paıyzǵa artyǵymen oryndadyq",-dep habarlady Q.Bıshimbaev.

"Munaı óńdeýdegi ósim boıynsha qyrkúıekte iske qosylǵan Qashaǵan munaı ken orny basty faktorǵa aınaldy. Qashaǵannyń arqasynda qosymsha bir təýlikte 75 myń barrel munaı alyp otyrmyz",-dedi Qýandyq Bıshimbaev.