Qýandyq Bıshimbaev «Bolashaq» qaýymdastyǵy keńesiniń tóraǵasy bolyp saılandy
«Keńestiń qazirgi tóraǵasy Baýyrjan Baıbektiń ókilettik merzimi ótýimen baılanysty jarǵyǵa sáıkes tóraǵa saılaý boldy. Daýys berý qorytyndysymen basym kópshiliktiń daýysyna ıe bolǵan Qýandyq Ýálıhanuly Bıshimbaev «Bolashaq» qaýymdastyǵy keńesin basqaratyn boldy», - delingen baspasóz qyzmetiniń habarlamasynda.
B.Baıbek birlestik keńesiniń qurmetti tóraǵasy bolyp, qaýymdastyq qyzmetine qatysýdy jáne onyń damýyna úles qosýdy jalǵastyrady.
Qýandyq Bıshimbaev 1999 jyly Qazaq memlekettik basqarý akademııasyn «Halyqaralyq ekonomıkalyq qatynastar» mamandyǵy boıynsha, 2001 jyly «Bolashaq» baǵdarlamasy boıynsha Dj.Vashıngton atyndaǵy Ýnıversıtet janyndaǵy menedjment jáne bıznes mektebin (AQSh) bitirgen. Oǵan bıznes-basqarý magıstri dárejesi berilgen. 2002 jyly M.Dýlatı atyndaǵy Taraz memlekettik ýnıversıtetin «Quqyqtaný» mamandyǵy boıynsha bitirdi.
Ár jyldarda bızneste jáne memlekettik sektorlarda basshy qyzmetterde boldy. 2013 jyly «Báıterek» ulttyq holdıngi basqarma tóraǵasy bolyp taǵaıyndaldy.
2008 jyldan «Bolashaq» qaýymdastyǵy keńesiniń múshesi.
