Qýandyq Bıshimbaevtyń isi apellıatsııalyq sotqa jiberildi

ASTANA. KAZINFORM – Eks-sheneýnik Qýandyq Bıshimbaevqa kesilgen sot úkimin qaıta qaraý boıynsha aryz tústi.

Bul aqparatty Astana qalalyq sotynyń baspasóz qyzmeti rastap otyr.

Aıta keteıik, Qýandyq Bıshimbaev 24 jylǵa sottaldy. 

Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy.

Sondaı-aq, eks-sheneýniktiń merziminen buryn bosap shyǵýy múmkin be, degen taqyrypta sholý jasaǵan edik.

Odan bólek, Q. Bıshimbaevtyń merziminen buryn bosap shyǵýyna kimderdiń kelisimi kerek ekendigine qatysty Ádilet vıtse-mınıstri Botagóz Jaqselekovanyń pikirin bildik.