Qýandyq Bıshimbaevtyń balany qaǵyp ketý deregi rastalmady – Igor Lepeha

ASTANA. KAZINFORM – Qýandyq Bıshimbaevtyń kólikpen balany qaǵyp ketkeni týraly derek naqtylanbady. Bul týraly QR Іshki ister mınıstriniń orynbasary Igor Lepeha aıtty.

«Aqparat rastalǵan joq. Biz ómiri qıylǵan áıeldiń týystarymen (Saltanat Núkenovanyń), sondaı-aq onyń aǵasymen sóılestik. Aqparattyń qaıdan bolǵanyn tekserdik. Biraq onda basqa jaǵdaı týraly aıtylǵan, ıaǵnı derek rastalǵan joq. Atap aıtqanda, biz áli de tekseremiz», - dedi I. Lepeha Parlament Májilisinde tilshiler suraǵyna jaýap bere otyryp.

Buǵan deıin qaıtys bolǵan S. Núkenovanyń anasy kúdikti Qýandyq Bıshimbaev erterekte balany qaǵyp ketip, jaýapkershilikten jaltarǵanyn málimdegen edi.