Qýandyq Bıshimbaevty kúzetpen ustaý 2 aıǵa uzartyldy
Astana qalalyq soty burynǵy ekonomıka mınıstri Qýandyq Bıshimbaevty 9 qańtardan 9 naýryzǵa deıin kúzetpen ustaý týraly sheshim qabyldady, dep habarlaıdy Kazinform.
«2024 jylǵy 9 qańtarda Astana qalasynyń mamandandyrylǵan aýdanaralyq tergeý sotymen kúdikti Qýandyq Bıshimbaevqa qatysty kúzetpen ustaý túrindegi bultartpaý sharasyn 2024 jylǵy 9 naýryzǵa deıin uzartý sanktsııalandy», - dep jaýap berdi sottan Kazinform agenttigi joldaǵan saýalǵa.
Sondaı-aq, elorda soty ózge málimetterdi Qylmystyq-protsestik kodekstiń 201-babyna sáıkes jarııalaýǵa bolmaıtynyn eskertti.
Eske salaıyq, bıylǵy 9 qarashada Astanadaǵy Baý meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem kelgenshe kóz jumdy.
Keıin Іshki ister mınıstrligi Qýandyq Bıshimbaevtyń ustalǵanyn rastady.
15 qarashada ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.
