Qýandyq Bıshimbaevqa túrmede aıryqsha jaǵdaı jasalǵan ba – ІІM jaýaby

ASTANA. KAZINFORM – Іshki ister mınıstri Erjan Sádenov Qýandyq Bıshimbaevtyń tergeý ızolıatorynda qandaı jaǵdaıda otyrǵanyn aıtty. 

«Árıne, eshkimde de aıryqsha jaǵdaı joq. Barlyǵy da zańnamaǵa sáıkes otyr», - dedi mınıstr Májilistiń jalpy otyrysynan keıin BAQ ókilderiniń saýalyna oraı.

Osy rette tilshiler kúdiktiniń bir adamdyq ne jalpy kamerada otyrǵanyn suraǵan edi.

«Bárimen birge otyr. Bizde túrmeler kameralyq úlgide. Onda adamdar otyr, kameralar ártúrli», - dedi ol.

Sonymen qatar ol Qýandyq Bıshimbaevqa aıryqsha jaǵdaı jasalmaǵanyn basa aıtty.

«Jalpy kamerada otyr, qasynda kameralastary bar. Bári zań boıynsha. Maǵan senińizder, eshqandaı artyqshylyǵy joq. Bárin baqylap otyrmyn», - dedi mınıstr.

Aıta keteıik, áıelin óltirdi dep aıyptalǵan Q. Bıshimbaevtyń basty soty 27 naýryzǵa belgilendi. Sot alqabıler qatysýymen ótedi.