Qýandyq Bıshimbaev sotqa shaǵym túsirdi

ASTANA. KAZINFORM – 24 jylǵa sottalǵan eks-sheneýnik Qýandyq Bıshimbaev qamaýda otyrǵan mekeme ózine yntalandyrý sharalaryn qoldanbaǵany úshin sotqa shaǵymdandy. Bul týraly Іshki ister mınıstrligi Qylmystyq-atqarý júıesi komıtetinen habarlaıdy.

- Jazasyn óteýshi sotqa mekeme ákimshiligi oǵan kótermeleý bermeıdi degen ótinishpen júgindi. Qoldanystaǵy zańnamaǵa sáıkes, sottalǵandarǵa jazany óteý tártibi buzylǵan jaǵdaıda kótermeleý qoldanylmaıdy. Atalǵan sottalǵan adamnyń bir ret tártip buzǵanyn eskere otyryp, oǵan kótermeleý bolmaıdy, - delingen komıtettiń baspasóz qyzmeti taratqan habarlamada.

Osylaısha sot Qýandyq Bıshimbaevtyń aryzyn qanaǵattandyrmady.

Aıta ketsek, buǵan deıin Qýandyq Bıshimbaevtyń bostandyqta júrgeni jaıly qaýeset taraǵan edi. 

Sondaı-aq byltyr kúzde eks-sheneýnik Qýandyq Bıshimbaevtyń túrmede jumysqa turmaǵany aıtyldy. 

Eske sala keteıik, azamattyq nekede bolǵan áıelin óltirgeni úshin Qýandyq Bıshimbaev 24 jylǵa sottaldy.