Qýandyq Bıshimbaev basty sot otyrysyna nege kelmedi
ASTANA. KAZINFORM – Búgin saǵat 10:00-de bastalýy tıis eks-sheneýnik Qýandyq Bıshimbaevqa qatysty sot otyrysy tústen keıinge qaldyryldy.
Sot zalynda aıyptylar Qýandyq Bıshimbaev pen Baýyrjan Baıjanovtyń bolmaýyna baılanysty sýdıa sot otyrysyn keıinge shegerý týraly sheshim qabyldady.
«Basty sot otyrysy saǵat 14:30-ǵa qaldyrylady, óıtkeni aıdaýyl qyzmeti saǵat 12:00-de keledi, ar jaǵynda bir saǵat qalady, ol jetkiliksiz», - dedi Aıjan Qulbaeva.
Sondaı-aq, sýdıa kúdiktilerdi jetkizetin aıdaýyl qyzmetinde tehnıkalyq aqaý bolǵanyn aıtty.
Aıta keteıik, Q. Bıshimbaevtiń isi boıynsha sot tergeýi 24 sáýirde aıaqtaldy, búgin jaryssóz ótýi tıis.
Eske salsaq, Qýandyq Bıshimbaevtiń isi boıynsha sot otyrysy buǵan deıin de ýaqytsha toqtatylǵan edi.
Joǵarǵy Sottyń Kommýnıkatsııa bólimi habarlaǵandaı, sot protsesine qoǵam joǵary qyzyǵýshylyq tanytyp otyr.
