Kýala-Lýmpýrde saýdııalyq korolge qarsy teraktiniń joly kesildi
ASTANA. QazAqparat - Malaızııada ustalǵan Iemenniń tórt azamaty Kýala-Lýmpýrge kelgen Saýd Arabııasynyń koroldik otbasy múshelerine qarsy lańkestik shabýyl jasaýdy josparlaǵan. Bul týraly jýrnalısterge ulttyq polıtsııa basshysy Halıd Abý Bakar málim etti, dep habarlady TASS.
«Biz olardy tutqyndap, qastandyq áreketterin iske asyrýǵa jol bermedik», - dedi eldiń bas polıtseıi.
Quqyq qorǵaý organdarynyń derekterine súıensek, 26-33 jas aralyǵyndaǵy Iemen azamattary 26 aqpan kúni lańkestikke qarsy reıd kezinde ustalǵan. Kúdiktiler arasynda Malaızııanyń jekemenshik ýnıversıtetteriniń stýdentteri bar, taǵy bir kúdikti jergilikti meıramhanalardyń birinde jumys isteıdi.
Saýd Arabııasynyń Koroli Salman ben Abdel Azız Al Saýd delegattarymen 26 aqpan kúni Malaızııaǵa keldi. Bul onyń Kýala-Lýmpýrge alǵashqy resmı sapary.
