Kýágerler S. Mataevtyń bankten 606 mln. teńgeden astam aqsha alǵanyn aıtty
ASTANA. QazAqparat - Astana qalasyndaǵy №2 Esil aýdandyq sotynda Seıitqazy jáne Áset Mataevtardyń is boıynsha kýágerlerden sotta jaýap alý odan ári jalǵasýda.
Búgingi sot otyrysynda «Salyq tóleýden jaltarý» epızody boıynsha sotqa túsinik bergen kýágerler Seıitqazy Mataevtyń bankten qolma-qol aqsha alǵanyn áńgimelep berdi.
Keshegi sot otyrysynda sotqa jaýap bergen kýágerlerdiń biri - aýdıtor Evgenıı ıÝnýsov bıznes-aýdıttik tekseristiń nátıjesinde 2005 jyldyń 1-inshi qańtarynan 2016 jyldyń 25-inshi aqpanyna deıingi aralyqta bankten jalpy somasy 606 mln. 809 myń 785 teńge alynǵanyn, sonyń ishinde Seıitqazy Mataevtyń túbirtek kitapshasynan 474 mln 369 myń 155 teńge alynǵanyn aıtqan bolatyn.
E. ıÝnýsovtyń sottaǵy sózin kýáger, bank qyzmetkeri Margarıta Pak rastady. Onyń aıtýynsha, «Ulttyq baspasóz klýby» qoǵamdyq birlestiginiń erekshe mártebesi bolmaǵandyqtan, oǵan Almaty qalasyndaǵy bankterdiń kez-kelgen bólimshesiniń menedjeri qyzmet kórsete alady. «Men «Ulttyq baspasóz klýby» qoǵamdyq birlestiginiń qyzmetkerlerinen tek Seıitqazy Mataevty tanımyn. Óıtkeni ol bankke únemi ózi ǵana keletin. Bank shotyndaǵy aqshany da ózi alatyn. «Ulttyq baspasóz klýby» qoǵamdyq birlestiginiń atynan kelgen S. Mataev banktegi mynadaı operatsııalardy iske asyrdy: aqsha alǵany úshin kassaǵa tólem tóleý, tólem qujaty, aqsha aıyrbastaý operatsııalary, túbirtek boıynsha aqsha alý jáne t.b. is-qımyldar»,- dep túsindirdi M. Pak.
Kýáger sottaǵy sózinde banki kartoıakasyna sáıkes, aqsha alýǵa tek Seıitqazy Mataevtyń ǵana quqyǵy baryn aıtty. Buǵan qosa, tárkilengen qujattarda banktegi qarajatty tek S. Mataevtyń ózi alǵany rastaldy. Aıta keterligi, Margarıta Pak S. Mataevtyń bankten qansha aqsha alǵany týraly suraqqa: «Meniń qansha aqsha alǵany dál qazir esimde joq. Biraq ol 50 myń nemese 100 myń teńge emes» dep jaýap berdi. M. Paktyń sottaǵy aıtqan túsinigin bank qyzmetkeri Álisher Saıdnazarov ta rastady.
Atap aıtarlyǵy, Seıitqazy Mataevtyń salyq tóleýden jaltarýmen qatar, «Ulttyq baspasóz klýbynyń» qarajatyn meıramhanalar men dúkenderge jumsaǵan. Bes jyldyń ishinde jeke qajettilikterge jumsalǵan somanyń kólemi 279,3 mln teńgeni quraǵan,- dep habarlady sotta «Bıznes-aýdıt» JShS-niń aýdıtor-mamany Evgenıı ıÝnýsov. «Qoǵamdyq birlestiktiń býhgalterlik qujattary joq. 2011 jyldyń 1-inshi qańtary men 2016 jyldyń 25-inshi aqpany aralyǵynda bankten alynǵan qujattar kóshirmesi boıynsha anyqtalǵandaı, elektrondyq nusqada azamattyq tulǵalardyń kartochkalyq shotyna qoǵamdyq birlestiktiń esep şotynan 269 mln. 277 myń 811 teńge aýdarylǵan. Azamattyq tulǵalar bul qarajatty dúkender men meıramhanalarǵa jáne basqa da maqsattarǵa jumsaǵan»,- dep áńgimeledi Evgenıı ıÝnýsov. Budan shyǵatyny, Seıitqazy Mataev qoǵamdyq birlestiktiń aqshasy esebinen azamattyq tulǵalardyń (olardyń arasynda óziniń týystary da bar) dúkender men mıeramhanalardaǵy shyǵyndaryna demeýshilik jasaǵan.
Tergeýdiń nusqasy boıynsha, Seıitqazy Mataev 2011-2015 jyldary óziniń týystary men «Ulttyq baspasóz klýbynyń» múshesi bolyp tabylmaıtyn basqa da azamattardyń kartochkasyna 264, 7 mln. teńge aýdarǵan. Aıtarlyǵy, jaýapty tulǵa retinde ol aqshadan jeke tabys salyǵyn tólemegen. Saıyp kelgende, tergeýdiń nusqasy boıynsha Seıitqazy Mataev 2011-2015 jyldary 300 mln. teńgeden astam salyq tóleýden jaltarǵan.
