QTJ jumysshylary Shyǵys Qazaqstandaǵy Taldy stantsııasynda tasqyn sýmen kúresýde
ÓSKEMEN. QazAqparat - «QTJ» UK» AQ jumysshylar brıgadasy Shyǵys Qazaqstan oblysy Dostyq aýyldyq okrýgi Taldy stantsııasynda tasqyn sýmen kúresýde, dep habarlaıdy «QazAqparat» HAA tilshisi.
Temirjol stantsııasy «Semeı-Kýrchatov» tasjolynan 7 shaqyrym qashyqtyqta ornalasqan.
«Jaǵdaı baqylaýǵa alynǵan. Qutqarýshylardyń kómegi ázirge qajet emes, 90 adamnan turatyn «QTJ» UK» AQ jumysshylar brıgadasy qajetti óz sharalardy kúshterimen oryndaýda, dep habarlady TJ departamenti.
Qazir úıindilerdi nyǵaıtý jumystary júrgizilýde, 2500 qap tóseldi. Eki motopompamen sý aıdalýda. 300-ge jýyq bas iri jáne usaq qara mal qaýipsiz jerge kóshirildi. Turǵyndar evakýatsııadan bas tartýda, alaıda poıyzdaǵy 10 bala Semeı qalasyndaǵy týystaryna evakýatsııalandy. 
TJ atap ótkendeı, stantsııanyń kireberisine tek temirjol kólikteri kire alady. Dostyq aýyldyq okrýgi men Semeı qalalyq TJB bastyǵynyń orynbasary turǵyndarmen nusqaýlyqtar ótkizip, jadynamalar berildi.
Temirjoldy qorǵaý boıynsha barlyq qajetti sharalar qoldanylýda. Stantsııa oıys jerde ornalasqandyqtan, árdaıym baqylaýda.
