QTJ-Júk tasymaly Jetisý oblysynda básekelestik talaptaryn buzǵany anyqtaldy

TALDYQORǴAN. KAZINFORM – Básekelestikti qorǵaý jáne damytý agenttiginiń Jetisý oblysy boıynsha departamenti «QTJ-Júk tasymaly» JShS fılıaly – Altynkól stantsııasynyń qyzmetine júrgizilgen taldaý nátıjesinde básekelestikti qorǵaý salasyndaǵy zańnamany buzý belgilerin anyqtady.

Vedomstvo málimetinshe, anyqtalǵan buzýshylyqtar jekelegen naryq sýbektilerine jeńildikter nemese ózge de artyqshylyqtar berý arqyly kórinis tapqan. Nátıjesinde kásiporyn bul sýbektilerge qatysty básekelesterine qaraǵanda artyqshylyq jaǵdaı qalyptastyryp, múlikti jalǵa alý sharttaryn jasaý kezinde jáne qyzmet kórsetý barysynda qolaısyz orta týyndatqan.

- Atalǵan faktiler boıynsha departament tarapynan tıisti habarlama joldandy. Qazirgi ýaqytta habarlama sharttaryna sáıkes mindettemelerdi ózgertý arqyly qosymsha kelisim jasasý jolymen oryndaý kózdelip otyr, - delingen aqparatta.

Aıta keteıik, QTJ qurylysy 11 jyl boıy bitpeı turǵan keshendi satýǵa shyǵarady.
.