«QTJ-Júk tasymaly» jeke kompanııa múddesi úshin áreket etti dep aıtyptalyp otyr

ASTANA. KAZINFORM — QR Básekelestikti qorǵaý jáne damytý agenttigi «QTJ-Júk tasymaly» kompanııasy men motor maıyn óndiretin «Hill Corporation» arasynda lokomotıvke motor maıyn jetkizý salasynda 624 mln teńgeden astam básekelestikke qarsy kelisimin anyqtady.  

Bul týraly Básekelestikti qorǵaý jáne damytý agenttiginiń tóraǵasy Marat Omarov agenttiktiń alqa otyrysynda málimdedi. Qazirgi ýaqytta monopolııaǵa qarsy tergeý materıaldary sotqa deıingi is júrgizý úshin QR Qarjy monıtorıngi agenttigine joldandy.

Básekelestikti qorǵaý jáne damytý agenttiginiń málimetinshe, «QTJ-Júk tasymaly» kompanııasy motor maılaryn satý kezinde jetkizýshilerdi shettetip, olardyń maı satyp alý isine qatysýyna kedergi bolǵan.

Osylaısha, «QTJ-Júk tasymaly» áreketteri áý bastan «HILL Corporation» múddesi úshin jasalyp otyrǵan.

«Aıta keteıik, qazirgi ýaqytta tergeý nátıjelerine qatysty joǵaryda ataǵan tarap sotqa júgindi, demek, zańbuzýshylyqqa barǵan tarap sot sheshimi zańdy kúshine engenshe kinásiz dep sanalady», — dep túsindirdi agenttik.