«QTJ — Júk tasymaly» kompanııasynyń qyzmetinde zań buzý anyqtaldy

ASTANA. KAZINFORM – Básekelestikti qorǵaý jáne damytý agenttigi júrgizgen tergep-tekserý nátıjesinde «HILL Corporation» JShS men «QTJ-Júk tasymaly» JShS arasyndaǵy básekelestikke qarsy kelisim anyqtaldy. 

— Tergep-tekserý barysynda «QTJ-JT» lokomotıvterge arnalǵan motor maılaryn satyp alý kezinde áleýeti jetetin jetkizýshilerdi laıyqty kórmeı, arnaıy sharttar qoldanǵany belgili boldy. Bul olardyń satyp alý konkýrstaryna qatysýyna kedergi keltirip, bastapqydan-aq «HILL Corporation» kompanııasynyń múddesine jumys isteýine baǵyttalǵan áreketterdi aıqyndady, — delingen Básekelestikti qorǵaý jáne damytý agenttigi habarlamasynda.

Agenttik júrgizgen tergep-tekserý nátıjelerine qatysty kompanııa sotqa shaǵymdanǵan bolatyn.

2025 jylǵy 11 naýryzdaǵy Joǵarǵy Sot qaýlysyna sáıkes, jergilikti sottyń «HILL Corporation» JShS men «KTJ-Júk tasymaldaý» JShS qatysty agenttik tergep-tekserýiniń zańdy ekeni týraly sheshimi kúshine endi.

— Lokomotıvterge arnalǵan motor maılaryn jetkizý salasynda anyqtalǵan básekelestikke qarsy kelisimniń jalpy somasy 12 mlrd teńgeden asty, — delingen habarlamada.

Aıta ketelik QTJ men QazaqGaz kompanııalary qashan IPO-ǵa shyǵarylatyny týraly jazǵan edik.