Ulytaý oblysynda jazasyn óteýshilerdi azaptaǵan túrme bastyǵy men qyzmetkerleri sottaldy
JEZQAZǴAN. KAZINFORM — Bıyl 30 shildede qylmystyq ister jónindegi mamandandyrylǵan aýdanaralyq áskerı soty ІІM Qylmystyq-atqarý júıesi komıtetiniń Qaraǵandy jáne Ulytaý oblysy boıynsha №62 mekemesin 7 qyzmetkeri men Ulttyq ulan №6505 áskerı bóliminiń 4 qyzmetkerine, jalpy 11 adamǵa qatysty sot úkimin jarııalady. Bul týraly Ulytaý oblysynyń prokýratýrasy habarlady.
Qylmystyq isti Ulytaý oblysy prokýratýrasynyń arnaıy prokýrorlary tergedi.
Prokýrorlar aıyptalýshylardyń sottalǵan 11 adamǵa qatysty azaptaý ádisterin qoldanǵandyǵyn tergeý arqyly dáleldedi.
«Sot úkimimen Mekeme bastyǵy men onyń rejım jónindegi orynbasaryna 6 jyl 6 aıǵa merzimge bas bostandyǵynan aıyrý túrindegi jaza taǵaıyndalyp, osy Mekemeniń basqada 5 jáne Áskerı bóliminiń 4 qyzmetkerlerine 4 jyl men 4 jarym jyl merzimderge bas bostandyqtarynan aıyrý túrindegi jazalar taǵaıyndaldy», — delingen sot habarlamasynda.
Úkim zańdy kúshine engen joq.
Eske sala keteıik, buǵan deıin Temirtaýda Ulttyq ulannyń 36 áskerı qyzmetshisi juqpaly aýrýlar aýrýhanasyna jatqyzylǵanyn jazǵan bolatynbyz.
