QTJ: Jelidegi beınejazba «Aıagóz-Baqty» temirjol qurylysyna qatysy joq
ASTANA. KAZINFORM — Áleýmettik jelilerde tarap jatqan beınejazba «Baqty — Aıagóz» temirjol jelisiniń qurylysyna qatysy joq. Bul týraly «Qazaqstan temir joly» ulttyq kompanııasynyń baspasóz qyzmeti habarlady.
Kompanııanyń resmı málimetinshe, beınejazbadaǵy oqıǵa 2025 jylǵy 16 qazanda Shalqar — Sekseýil teliminiń Qarashoqat — Aqespe aralyǵynda bolǵan. Sol kúni joldy kúrdeli jóndeý kezinde merdiger uıym — «Temir Jol Jóndeý» JShS paıdalanǵan tóseý krany relsten shyǵyp ketken.
— Oqıǵa saldarynan zardap shekkender joq. Poıyz qozǵalysyna áser etpedi. Relsten shyǵyp ketý saldary jedel túrde joıylyp, atalǵan ýchaskede jumystar qalypty rejimde jalǵasyp jatyr, — delingen habarlamada.
«QTJ» atap ótkendeı, Abaı oblysyndaǵy «Baqty-Aıagóz» jańa temirjol jelisinde qazirgi ýaqytta tek jer tósemin salý jumystary júrip jatyr. Bul aýmaqta temirjol relsteri men shpaldar tóseý áli bastalmaǵan, materıaldar da jetkizilmegen.
Abaı oblysynyń tótenshe jaǵdaılar departamentiniń dereginshe, óńir aýmaǵynda jyljymaly quramnyń relsten shyǵý faktileri tirkelmegen.
Buǵan deıin «Dostyq — Moıynty» ýchaskesiniń ekinshi jolynda poıyz qozǵalysy iske qosylǵanyn jazǵanbyz.
Sonymen qatar Slovakııanyń Ýoshıtsk ólkesinde dúısenbi kúni tań ata eki poıyzdyń soqtyǵysýynan 100-ge jýyq adam zardap shekken edi.