QTJ vagondardan aqaýy bar búıir ramalaryn alyp tastaýdy usyndy

ASTANA. QazAqparat  - «QTJ» UK» AQ ákimshiligi júk vagondaryn relsten shyǵyp ketýden saqtaý úshin dál osyndaı usynys bildirdi, dep habarlaıdy QazAqparat tilshisi kompaııanyń baspasóz qyzmetine silteme jasap.

 «Investıtsııalar jáne damý mınıstriniń 2015 jylǵy 26 naýryzdaǵy «Temirjol kóligindegi qaýipsizdik erejelerin bekitý jónindegi» buıryǵynyń erejelerine sáıkes, «QTJ» UK» AQ 2009 jyly «Azovelektrostal» zaýyttary  jasap shyǵarǵan búıir ramalardy qoldanystan alyp tastaý týraly usynys bildirdi», delingen taraǵan aqparat kózderinde.

Sondaı-aq, baspasóz qyzmetinde málim etkendeı, atalmysh oıdy júzege asyrýda zańdy turǵydan kedergiler týyndaýy múmkin.

«Jeke operatorlar bul quraldardy áli kúnge paıdalanýda. Ýákiletti organ ókim shyǵarmaǵandyqtan, «QTJ» UQ» AQ jeke operatorlarǵa bul búıir ramalardy qoıýǵa tyıym sala almaıdy», - dedi kompanııadaǵylar.

Mekemeniń baspasóz qyzmetinde 31 shilde kúni júk vagondarynyń relsten shyǵyp ketýi saldarynan týyndaǵan shyǵynnyń barlyǵyn kináli tarap zańdy tártipte óteıtinin jetkizdi.

Eske sala ketsek, Saryshaǵan stansasynda júk poıyzynyń vagondary (Qashqanteńiz-Jastar aralyǵyndaǵy Moıynty-Shyǵanaq bóliginde kele jatqan №2009 poıyz) relsten shyǵyp ketip, bes jolaýshy poıyzynyń qozǵalysy toqtatylǵan edi. Oqys oqıǵadan eshkim zardap shekpedi.

Vagondardyń relsten shyǵyp ketýine «Istkomtrans» JShS-na tıesili 28-vagonyndaǵy búıir ramasynyń synyp ketýi sebep bolǵan.

Zańǵa sáıkes, barlyq keltirilgen shyǵyndy júk vagonynyń ıesi óteıdi. Sondaı-aq, apat saldarynan ýaqytsha toqtatylǵan 5 poıyzdyń jolaýshylaryna ótemaqy tólenedi.