«QTJ» Ulttyq kompanııasy jyl basynan beri 111 mln tonnadan astam júk tasymaldady
NUR-SULTAN. QazAqparat - «Qazaqstan temir joly» UK» aktsıonerlik qoǵamy jelisi arqyly tasymaldanǵan júk aınalymy aǵymdaǵy jyldyń mamyr aıynda 18,3 mlrd. tonna-kılometrdi qurady. Al júk tıeý kórsetkishi 20,2 mln. tonnaǵa jetip otyr. Bul týraly QazAqparat «Qazaqstan temir joly» UK» AQ baspasóz qyzmetine silteme jasap habarlaıdy.
Tas kómirdiń 6,8 mln. tonnasy tıeldi (eldiń ishinde - 4,6 mln. tonnadan astam), astyq - 728 myń tonnadan astam, sonyń ishinde eksportqa jóneltiletini 552 myń tonna.
Jyl basynan beri júkaınalymy 90 mlrd. tonna-kılometrdi qurady. Júk aınalymyn paıdalaný boıynsha jospar 103,2% oryndaldy.
Tranzıttik júkterdi tasymaldaý kólemi 6,4 mln. tonnany qurady.
Qańtar-mamyrda júk tıeý 100,5 mln. tonna boldy. Atap aıtqanda, tas kómirdiń 41 mln. tonnasy tıeldi, sonyń ishinde eksportqa - 12,7 mln. tonnadan astamy jóneltildi. Bul aǵymdaǵy jylǵy kórsetkishten 4,6% artyq, al astyq 4,7 mln. tonna (+3,4%) boldy.
2019 jyldyń 5 aıynda 2018 jyldyń sáıkes kezeńimen salystyrǵanda paıdalaný jumysynyń birqatar kórsetkishteri jaqsardy.
«Osylaısha, lokotıv ónimdiligi 2,8%, lokomotıvtiń orasha táýliktik júrisi - 2,4%, jumys vagonynyń ortasha táýliktik aınalymynyń ýaqyty - 3,6% jáne vagonnyń ortasha táýliktik ónimdiligi - 5,1% artyp otyr»,-dep habarlaıdy ulttyq kompanııa.
