«QTJ»UK» AQ jeńildikteri bar dıskonttyq kartalar engizdi

ASTANA. QazAqparat - «Jolaýshylar tasymaly» AQ «Tulpar-Talgo» poıyzdarynyń jolaýshylary úshin 20 paıyzdyq jeńildikter qarastyrylǵan jeke dıskont kartalaryn engizýdi bastady, dep habarldady «QTJ»UK» AQ baspasóz qyzmetinen.

2014 jylǵy 16 jeltoqsannan bastap, №1/2 «Astana-Almaty», №701/702 «Almaty-Petropavl», №19/20 «Astana-Atyraý», №87/88 «Aqtóbe-Astana», №79/80 «Astana-Shymkent», №77/78 «Almaty-Atyraý», №49/50 «Almaty-Aqtóbe», №69/70 «Almaty-Óskemen», №35/36 «Almaty-Shymkent», №67/68 «Astana-Óskemen» poıyzdarynda, sondaı-aq jyl sońyna deıin iske qosylady dep kútilip otyrǵan №89/90 «Astana-Qyzylorda» poıyzynda derbes dıskonttyq kartalar engizildi. Atalǵan kartalar jolaýshylardyń tómendegi úsh sanatyna arnalǵan: «Jastar»- 16-25 jas aralyǵyndaǵy jastar úshin, jeńildik kólemi - 10 paıyz, quny 999 tenge; «Qurmet» - 60 jas pen odan eresek adamdar úshin, jeńildik kólemi - 10 paıyz, quny 999 teńge; «Saıahatshy»- «Jolaýshylar tasymaly» AQ júrdek poıyzdarynda sońǵy 12 aıda saparlaǵan turaqty jolaýshylar úshin, saparlardyń Jalpy baǵasy tómendegideı bolýy shart: 100 000 teńgeden 150 000 teńgege deıin, jeńildik kólemi - 10 paıyz; 150 001 teńgeden 200 000 teńgege deıin, jeńildik quny - 15 paıyz; 200 001 teńgeden joǵary, jeńildik kólemi - 20 paıyz. Osyǵan deıin engizilgen jolaýshynyń aldyn-ala bılet satyp alǵandaǵy 35 paıyzdyq jeńildigin esepke alǵanda, jolaýshy dıskonttyq kartasy bolǵan jaǵdaıda jalpy alǵanda 52 paıyzdyq jeńildikke ıe bola alady. Dıskonttyq kartalardy Astana, Almaty, Atyraý, Aqtóbe, Taraz, Óskemen, Shymkent, Qyzylorda, Qaraǵandy qalalarynyń temir jol vokzaldarynyń bılet kassalarynan alýǵa bolady. Ózimen birge jolaýshynyń jeke tólqujaty bolýy kerek.