«QTJ» UK» AQ toby bes jylǵa arnalǵan 450 mln. dollardyń eýrooblıgatsııasyn ótedi
ANA. 12 mamyr. QazAqparat - 2011 jylǵy mamyrdyń 11-inde «QTJ» UK» AQ toby bes jylǵa arnalǵan 2006 jyly mamyrdyń 11-inde shyǵarylǵan 450 mln. AQSh dollary bolatyn eýrooblıgatsııany ótedi,
dep habarlady «Qazaqstan temir joly» UK» AQ baspasóz qyzmeti.
Baspasóz qyzmeti atap ótkendeı, bes jyldyq eýrooblıgatsııany óteý kompanııanyń nesıeni jabýǵa baǵyttalyp jınaqtalǵan qory esebinen júrgizildi. Kompanııanyń qaryzyn der kezinde óteýi onyń qarjylyq turaqtylyǵyn kórsetedi. Sondaı-aq, qaryz alý men nesıelendirý saıasatynyń sapaly júrgizilgendigin dáıekteıdi.
«Qazirgi kezde kompanııanyń qaryz qorjynynda on jylǵa arnalǵan 2016 jyly óteýdi qajet etetin 350 mln. AQSh dollary kólemindegi qarjysy jáne 2020 jyly óteýdi qajet etetin 700 mln. AQSh dollary kóleminde qaryzdary bar», - delingen baspasóz qyzmeti taratqan habarlamada.
Sońǵy eýrooblıgatsııanyń shyǵarylýy kompanııaǵa ınstıtýtsıonaldyq ınvestorlardyń qyzyǵýshylyǵy týyp otyrǵandyǵyn aıǵaqtaıdy.
«QTJ» UK» AQ bolashaqta asa mańyzdy qadamdaryn jalǵastyrady. Sondaı-aq, kompanııaǵa senim artqan ınvestorlarǵa alǵysyn bildiredi.
