«QTJ» UK» AQ temirjoldy órtten qorǵaıtyn sharalardy qolǵa aldy
ASTANA. QazAqparat - «Qazaqstan temir joly» UK» aktsıonerlik qoǵamynyń ókilderi temirjol jelisin órtten qorǵaýǵa baǵyttalǵan sharalardy qolǵa alýda, dep habarlady búgin ulttyq kompanııanyń baspasóz qyzmeti.
Baspasóz málimetterine qaraǵanda, kompanııa ókilderi 11 myń gektarǵa jýyq temirjol telimine qarasty jerlerdi jyrtý jumystaryn júrgizip jatyr. Eni bes metrge deıin jetetin traktormen jyrtylyp, tez tutanýy múmkin ósimdikterden tazartylǵan arnaıy jolaq temir joldy órtten alastap turady.
«Jaz mezgilindegi ystyq aýa raıyna baılanysty biz kúsheıtilgen rejımde jumys isteımiz. Bul temirjol men poıyz qozǵalysyna kedergi keltiretin jaıttardy boldyrmaý men órt qaýipsizdigin saqtaý maqsatynda qolǵa alynyp otyrǵan shara», - dep «QTJ» UK» AQ jol dıagnostıka tsentriniń bólim basshysy Z.Kerimbaev.
