«QTJ» UK» AQ ókilderi Sochıdegi XIX Álemdik jastar men stýdentter festıvaline qatysty
ASTANA. QazAqparat - «Qazaqstan temir joly» UK» aktsıonerlik qoǵamynyń ókilderi Sochıdegi XIX Álemdik jastar men stýdentter festıvaline qatysty, dep habarlaıdy ulttyq kompanııanyń baspasóz qyzmeti.
Baspasóz málimetterine qaraǵanda, qazaqstandyq delegatsııa quramyna kompanııanyń kólik sektoryndaǵy, jańa tehnologııa, ǵylym jáne ekologııa salasyndaǵy jas mamandary kirdi.
Festıvalda «Álemdik temirjol jelisi-bolashaqtyń jemisi» atty taqyrypta pikirsaıys ótti. Onda qazaqstanyq jastar óz oılaryn ortaǵa saldy. Sondaı-aq delegatsııa ókilderi temirjolshylardyń kveste, forsaıt-sessııasy, TED-talk ıntellektýaldyq konferentsııasyna, sporttyq oıyndarǵa, sheberlik synyptaryna, pikirsaıys alańdaryna qatysty.
«Qazaqstandyqtardy ásirese, «Álemdik kólik júıesi -2030» forsaıt sessııasy qatty qyzyqtyrdy. Ol arqyly endi on úsh jyldan keıin temirjol salasy qalaı damıdy degen boljam jasaldy. Qatysýshylar kóptegen qyzyqty ıdeıalardy, onyń ishinde temirjolǵa jasandy ıntellekti qoldaný týraly pikirlerin bildirdi»,-deıdi «QTJ» UK» AQ Adamı resýrstardy basqarý departamentiniń menedjeri A. Seıtbaeva.
Onyń aıtýynsha, festıval kóptegen elderdiń jastaryna kásibı biliktiligin kóterýge múmkindik berdi. Sheteldik áriptesterimen tájirıbe almasty. Jańa dostar men áriptester tapty.
