«QTJ» UK» AQ fılıalynyń burynǵy dırektoryna qatysty úkimi shyqty

PAVLODAR. QazAqparat – Pavlodar oblysynyń Sybaılas jemqorlyqqa qarsy kúres qyzmeti jemqorlyq qylmysyn jasaýda kúdikti dep tanylǵan «Qazaqstan temir joly» UK» AQ fılıaly – «Pavlodar elektr jabdyqtaý dıstantsııasynyń» burynǵy dırektory R.O.Ibraevqa qatysty sot aldyndaǵy tergeý amaldary aıaqtaldy, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń Pavlodar oblysy boıynsha departamentiniń baspasóz qyzmetine silteme jasap.

«Ol 2020 jyldyń maýsym aıynan bastap tamyzǵa deıin ózine qarasty vedomstvolyq bólimshelerdiń bastyqtarynan jalpy quny 1,2 mln teńgege 6,5 myń lıtr dızeldik otyn alǵan. Ony qolma-qol aqshaǵa aınaldyryp, aqshany jeke maqsatyna paıdalanǵan», - dep málimdedi departamenttiń baspasóz qyzmeti.

28 jeltoqsanda sot úkimi boıynsha R.O.Ibraev qyzmettik ókildigin teris paıdalanǵany úshin aıypty dep tanylyp, oǵan 1 myń AEK kóleminde aıyppul tóleý túrindegi jaza taǵaıyndaldy.