«QTJ» UK» AQ basshysy seriktesterimen logıstıkalyq yntymaqtastyqty damytý jaıyn aqyldasty
ASTANA. QazAqparat - «Qazaqstan temir joly» UK» AQ basshysy Qanat Alpysbaev onynshy Astana ekonomıkalyq forýmy men Halyqaralyq kólik-logıstıkalyq «New Silk Way» bıznes forýmyna qatysqan temirjol ákimshilikteriniń basshylary men kólik-logıstıkalyq kompanııalarynyń jetekshilerimen birqatar ekijaqty kezdesýler ótkizdi, dep habarlaıy ulttyq kompanııanyń baspasóz qyzmeti.
«Cosco Shipping Co. Ltd» bas dırektorynyń orynbasary E Veılýnmen, «Lıanıýngan porty» MK» AAQ prezıdenti Chjý Sıanıanmen kezdesýinde «Qazaqstan-Qytaı Eýrazııanyń tranzıttik kópiri» telekópiriniń qorytyndysy men «Lıanıýngan qalasyndaǵy Qazaqstan-Qytaı halyqaralyq logıstıkalyq kompanııasy» men «KTZE-Khorgos Gateway» JShS birlesken qyzmetin damytý jaıy qaraldy.
Q. Alpysbaev «Qorǵas-Shyǵys qaqpasy» azat ekonomıkalyq aımaǵy (AEA) men COSCO Shipping kompanııasy usynǵan ǵalamdyq logıstıkalyq qyzmetti paıdalaný jaıyna toqtaldy. Sondaı-aq, kezdesýde Qazaqstan tarapynyń usynysymen Lıanıýngan porty jáne AEA Qurǵaq porty arqyly júk aǵynyn ósirý máselesi talqylandy.
Chendý qalasy (QHR) halyq úkimetiniń logıstıka jáne ótkizý basqarmasynyń bastyǵy Chen Chjýnveı men Ázirbaıjan, Grýzııa temirjol ákimshilikteriniń basshylary D. Gýrbanov, M. Bahtadzemen kezdesip, Ortalyq Azııa, Iran, Túrkııa, Eýropa baǵdaryna konteınerlik júkterdi tasymaldaý jaıy talqylandy.
Qazirgi tańda Chendýdan Eýropaǵa (Lodz, Nıýrnberg, Tılbýrg) poıyz turaqty qatynaýda. 2017 jylǵy 4 aıda Chendý- Eýropa-Chendý baǵdarymen 241 poıyz jiberilse, ótken jyly osy merzimde 45 poıyz ǵana jasaqtalǵan bolatyn.
«QTJ» UK» AQ basshysy Iran temir joly ákimshiliginiń vıtse-prezıdenti E. Mohammedpen, «COALCO Development» AAQ dırektorlary keńesiniń tóraǵasy V. Draganovpen IRISL kompanııasynyń prezıdenti M. Saedımen kezdesti.
