«QTJ» UK» AQ 9 oblystyń ákimdigimen seriktestik týraly Memorandýmǵa qol qoıdy

ASTANA. QazAqparat - «QTJ» UK» AQ Aqmola, Almaty, Aqtóbe, Shyǵys-Qazaqstan, Jambyl, Qostanaı, Qaraǵandy, Pavlodar, Soltústik Qazaqstan oblystarynyń ákimdikterimen jalpy quny 68,4 mlrd teńgeniń seriktestik týraly Memorandýmyna qol qoıdy, dep habarlady kompanııanyń baspasóz qyzmetinen.

Atalǵan másele QR Úkimetiniń qańtarda bekitilgen «Ónerkásip kásiporyndaryn qoldaýdyń 2015 jylǵa arnalǵan josparly sharalary» týraly mańyzdy qujatty júzege asyrýdan týyndady. Seriktestik týraly Memorandým elimizdiń ekonomıkasyn odan ári damytýdyń aýqymdy memlekettik sharalaryna arnalǵan. Onyń ishinde óndiristegi qazaqstandyq úlesti kóbeıtý men jergilikti turǵyndardy jumyspen qamtýdyń mańyzy zor. Memorandýmǵa qol qoıý arqyly temir jol kóligi salasyndaǵy birqatar birlesken ınnovatsııalyq jobalar júzege asyrylyp, kompanııanyń óndiristik áleýetin arttyrady. Otandyq taýar óndirýshiler qoldaý tabady. Taıaý arada «QTJ» UK» AQ Astana qalasynyń birqatar óndiristik kásiporyndarymen ózara seriktestik týraly ýaǵdalastyqqa qol qoıýdy josparlap otyr.