QTJ temirjol ótkelinde ereje buzǵan jaıaý júrginshilerge jaýapkershilikti qatańdatpaq

ASTANA. KAZINFORM — QTJ temirjol ótkelderinde júrý erejelerin buzǵany úshin jaýapkershilikti qatańdatýǵa nıetti. Bul týraly «Qazaqstan temir joly» UK» AQ baspasóz qyzmeti málim etti.

ҚТЖ теміржол өткелінде ереже бұзған жаяу жүргіншілерге жауапкершілікті қатаңдатпақ
Фото: «Қазақстан темір жолы» ҰК» АҚ баспасөз қызметі

 — QTJ memlekettik organdarǵa temirjol ótkelderinen júrý erejelerin buzǵany úshin jaýapkershilikke tartý sharalaryn qatańdatý týraly ótinish bildirýdi josparlap otyr. Bul bastama temirjol qaýipsizdigin arttyrýǵa jáne jolaýshylar men temirjol qyzmetkerleriniń ómiri men densaýlyǵyn qorǵaýǵa baǵyttalǵan, — delingen habarlamada.

Buǵan deıin QTJ «Ákimshilik quqyq buzýshylyq týraly» QR Kodeksine ózgerister engizý jóninde usynystar engizýge bastamashy bolǵan edi. Olar qozǵalys qaýipsizdigin buzý jaǵdaılaryna, jol-kólik oqıǵalaryna, sondaı-aq belgilenbegen jerlerden temir joldary arqyly ótýge, jol boıyndaǵy jolaqtarda mal jaıýǵa kináli adamdarǵa ákimshilik-qylmystyq jaýapkershilikti qatańdatýǵa baǵyttalǵan.

QTJ jaýapkershilikti qatańdatý oqıǵalardyń sanyn azaıtýǵa jáne jol qozǵalysyna qatysýshylardyń barlyǵynyń jaýapkershiligin arttyrýǵa kómektesetinine senimdi.

— 2025 jylǵy qańtar-aqpanda temirjol ótkelderinde avtokólik quraldary júrgizýshileriniń jol qozǵalysy erejelerin buzýyna baılanysty 4 jol-kólik oqıǵasy boldy, bul jolaýshylar men temirjol qyzmetkerleriniń qaýipsizdigine qaýip tóndirdi. 1 naýryzda Tendik stantsııasynyń temirjol ótkelinde júk kóligi júrgizýshiniń kinásinen júk poıyzymen soqtyǵysty. Apat saldarynan lokomotıv brıgadasynyń qyzmetkerleri zardap shekti, al lokomotıv pen 11 bos vagon relsten shyǵyp ketti. 2024 jyly temirjol ótkelderinde 26 jol-kólik oqıǵasy tirkeldi, — delingen habarlamada.

QTJ jol qozǵalysynyń barlyq qatysýshylaryn temirjoldaǵy qaýipsizdik erejelerin qatań saqtaýǵa shaqyrady. 

Buǵan deıin habarlanǵandaı, temirjoldy kesip ótpek bolǵan er adamdy poıyz basyp ketti.

 

Сейчас читают