«QTJ» temir joldaǵy qozǵalys qaýipsizdigi júıesin qaıta qarastyrdy
ASTANA. QazAqparat - 2018 jyldyń 7-8 qyrkúıeginde Aqtóbede «Qazaqstan temir joly» Ulttyq kompanııasy» aktsıonerlik qoǵamynda qozǵalys qaýipsizdigin basqarý júıesin jetildirý máseleleri boıynsha semınar-otyrys ótti, dep habarlaıdy QazAqparat ulttyq kompanııanyń baspasóz qyzmetine silteme jasap.
Otyrysqa barlyq óńirlik temirjol bólimsheleriniń qozǵalys qaýipsizdigi qyzmetiniń basshylary, sonymen qatar salanyń ardagerleri qatysty. Jıynda «QTJ» UK»AQ basqarma tóraǵasynyń qozǵalys qaýipsizdigi boıynsha orynbasary Marat Shakenov sóz sóıledi.
M.Shakenov «Kompanııanyń dırektorlar keńesine qozǵalys qaýipsizdigin basqarý júıesiniń jańa qurylymy bekitilgenin» habarlaı kele qozǵalys qaýipsizdigin joǵarydan tómen qaraı basqarýdy jetildirý boıynsha sharalar týraly aqparat berdi.
Departament aldyna erekshe baqylaýdy júzege asyrý, faktorlyq taldaý júrgizý esebimen qozǵalys qaýipsizdigin buzýdyń aldyn alý, tarıhı derekter esebinen táýekelderdi basqarý, barlyq sebepterdi anyqtaı otyra qyzmettik egjeı-tegjeıli zertteý júrgizý mindetteri qoıyldy.
«Revızorlyq qyzmetter qozǵalys qaýipsizdigin qamtamasyz etý salasynda zańnama, erejeler, tártip, standarttar talaptaryn saqtaý boıynsha baqylaýǵa erekshe nazar aýdarýlary kerek», - deıdi M. Shakenov jáne ol aldaǵy ýaqytta qozǵalys qaýipsizdigin nyǵaıtý sharalary qatarynda «normatıvtik-ádistemelik qamtamasyz etý, menedjment júıesine baqylaý, barlyq deńgeıdegi basshylardyń jeke qatysý normatıvine mindetti talaptar qoıýdy» qajettigin aıtty.
M. Shakenov kompanııanyń qozǵalys qaýipsizdigin qamtamasyz etý boıynsha negizgi mindetterge toqtaldy. Bul kólik ınfraqurylymyn damytý, ınnovatsııalyq tehnologııalardy engizý, óndiristik salany jaqsartý, personaldyń biliktiligin arttyrý.
Mindetterdi júzege asyrý maqsatynda táýekelderdi basqarý tetikteri, nátıjelilik pen tıimdilik boljamdaryn qoldana otyryp sharalar jasaldy.
«Qozǵalys qaýipsizdigin qamtamasyz etýdiń basty faktory bolyp tehnologııalyq úderisterdi, normatıvtik-tehnıkalyq qujattar, eńbek tártibi, jumysshylardyń joǵary kásibılik deńgeıi talaptaryn udaıy saqtaý tabylady»,-dep atap ótti M. Shakenov.
Otyrysta sóz alǵan sala ardagerleri temir joldaǵy qozǵalys qaýipsizdigin qamtamasyz etý máselelerin sheshý joldaryna qatysty óz pikirlerin bildirip, jol sharýashylyǵy jumystaryn jaqsartý, tehnıkalyq jáne tehnologııalyq talaptardy saqtaý, normatıvtik-quqyqtyq bazany jetildirý boıynsha usynystaryn aıtty.
Semınar-otyrystyń qatysýshylary Aqtóbe rels arqalyq zaýytyna baryp, onda temirjol ónimderin shyǵarý boıynsha óndiristik jelilermen tanysty.
