QTJ temir jol vokzaldaryndaǵy múmkindigi shekteýli jolaýshylarǵa qyzmet kórsetý erejesin bekitti
Jańa Ereje boıynsha, vokzal qyzmetkerleriniń mindetine múmkindigi shekteýli jolaýshylardy kútip alyp, júgin vagondarǵa deıin jetkizip, ózin otyrǵyzýǵa kómektesý qyzmetteri engizildi. Ol úshin vokzal kezekshisinie múgedek azamattyń keletindigi týraly aldyn ala habarlanýy tıis. Bul mindet arnaıy nusqamalyq boıynsha kezekshiniń laýazymdyq mindetine engizildi.
Memleket basshysynyń 2016 jylǵy 1 qańtarda qol qoıǵan «Qazaqstan Respýblıkasynyń múgedekterdi qorǵaý týraly keıbir zań aktilerine ózgerister men tolyqtyrýlar engizý týraly» Zańyna sáıkes, múmkindigi shekteýli jandarǵa barynsha qolaıly jaǵdaılar jasaý kerektigi aıtylǵan», - deıdi Qazaqstan Múgedekteri odaǵynyń tóraǵasy Álı Amanbaev.
Álı Amanbaevtyń aıtýynsha, Odaq «Vokzal servıs» AQ-ymen tyǵyz qarym-qatynas ornatqan. Onyń ishinde, áleýmettik jobanyń biri retinde aqparattardy ilespe aýdarma jasaý da kózdelgen.
Qazirgi tańda elimizdegi 138 temirjol vokzalynda pandýstardyń yńǵaıly eńistigi talapqa saı jasalǵan. 58 vokzalda múgedekterge arnalǵan arbashalar da alynǵan. 16 vokzaldaǵy anyqtama bıýrolary qulaǵynyń múkisi bar jandarǵa qajetti aqparattyq júıemen qamtylǵan.
Vokzal ǵımarattarynda arnaıy dárethana bólmeleri,vokzaldardyń aldyndaǵy alańdarda múmkindigi shekteýli jandardyń avtokólikteri turaǵy jasalady.
