QTJ shalǵaı stantsııalardy taza sýmen qamtý baǵdarlamasyn bıyl aıaqtaıdy

ASTANA. QazAqparat - «QTJ» UK» AQ enshiles kásiporny «Temirjol sý» AQ ótken jyly sýmen qamtý júıesiniń 60-tan astam nysanyn kúrdeli jóndeýden ótkizdi. Jóndeý jumystary salalyq «Móldir bulaq» baǵdarlamasy boıynsha júzege asyryldy. Sonyń nátıjesinde 46 shalǵaı óńirdegi temirjol stantsııalary taza sýmen qamtyldy, dep habarlaıdy «Qazaqstan temir joly» UK» AQ baspasóz qyzmeti.

«Temirjolsý» AQ prezıdenti Qýat Esimhanovtyń aıtýynsha, qazirgi tańda Respýblıkamyzdyń ońtústigi men batys óńiri taza sýmen tolyq qamtyldy. Pavlodar, Almaty oblystarynyń temirjol stantsııalarynda taza sýmen qamtý jumystary aıaqtalyp keledi. Barlyǵy 49 nysanda, temirjoldyń 40 beketinde kúrdeli jóndeý jumystary jasalady. Bıylǵy jyldyń qazan aıynda Baǵdarlama tolyǵymen aıaqtalatyn bolady».

Sondaı-aq, Qýat Esimhanov 16 shaǵyn temirjol stantsııalaryndaǵy 260 úıdiń ortalyqtandyrylǵan sýmen qamtý júıesine qosylǵandyǵyn atap ótti. Tórt shaǵyn jol aıyryqtarynda turǵyn úıler men jataqhanalar eýropalyq standarttaǵy ystyq sý júıesi men sanıtarlyq qalypqa keltirildi».

«Móldir bulaq» Baǵdarlamasy júzege asyryla bastaǵan kezden (2012-2016 jyldary) 392 temir jol stantsııasy men jol aıyryqtarynda 700-ge jýyq sýmen qamtý jáne kárizdik júıe kúrdeli jóndeýden ótkizilip, qalpyna keltirildi.