QTJ refrıjeratorly vagondarymen saqtalýy qıyn júkti de jetkizetinin habarlady

ASTANA. QazAqparat - Refrıjeratorly konteınerlerdi alǵannan keıin «Qazaqstan temir joly» ulttyq kompanııasy konteınerlik poıyzdardyń jyl boıyna turaqty júrýin qamtamasyz etti. Erekshe temperatýralyq jaǵdaıda qajet etetin júkter jyl boıyna temir jol arqyly jetkiziletin boldy jáne olar teńiz jolyna qaraǵanda jedelirek tasymaldanady»,-dep habarlaıdy strategy2050.kz saıty «QTJ» UK» AQ-nyń baspasóz qyzmetine silteme jasaı otyryp. 

«QTJ» UK» aktsıonerlik qoǵamynyń enshiles kásiporny «KTZExspress» aktsıonerlik qoǵamy Qytaıda shyǵarylǵan júk kóterý qýaty 27 tonnany quraıtyn 45-fýtty 200 dana konteıner satyp aldy. Olar avtomatty túrde syrtta 50-50 gradýs bolǵan jaǵdaıda ishki temperatýrany 20-20 gradýs istep ustap tura alady.  

«Bizdiń «Chýnıtsın-Dýısbýrg» baǵytynda júretin konteınerlik poıyz quramyndaǵy refrıjeratorlyq konteınerlerde qys mezgilinde áıgili «Hewlett-Packard» kompanııasynyń kompıýterlik tehnıkalary tasymaldandy. Ótken jyldyń qazanynan bastap, bıylǵy jyldyń naýryzy aralyǵynda «Hewlett-Packard» kompanııasynyń ónimderi salynǵan júkter 190 ret refrıjeratorlyq konteınerlerde tasymaldandy. Al sáýir aıy men osy ýaqytqa deıin Eýropa-Qazaqstan-Qytaı baǵytynda 150 konteıner azyq-túlik jóneltildi»,-dedi «KTZ Exspress» AQ-nyń departament dırektory Jasulan Hamzın.

Júkterdiń durys saqtalýy mańyzdy. «Áskerılendirilgen temir jol kúzeti» AQ-nyń ókilderimen birlesip, tasymaldanatyn júkterdiń durystyǵyn qadaǵalaıtyn jedel top quryldy. «KTZ Exspress» AQ-da Qytaı-Eýropa-Qytaı baǵytynda júretin konteınerlerge táýlik boıǵy monıtorıng jumystary júrgizilýde. Bul iske jer serigi qyzmeti men júk qaýipsizdigimen qamtamasyz etýmen aınalysatyn ózge de qyzmetter qatystyrylýda.