«QTJ»: Poıyzdar karantın jarııalanǵan qalalarǵa barmaıdy
NUR-SULTAN. QazAqparat – «Qazaqstan temir joly» Ulttyq kompanııasy» aktsıonerlik qoǵamynyń ókilderi el turǵyndaryna poıyzdardyń karantın jarııalanǵan qalalarǵa barmaıtynyn nemese ol qalalardy aınalyp ótetinin eskertti.
«Qurmetti jolaýshylar! Buǵan deıin habarlanǵandaı, 2020 jyldyń 22 naýryzy 00.00 saǵatta Nur – Sultan men Almaty qalalaryna karantın engizilýine baılanysty jolaýshylar poıyzdary bul qalalarǵa júrisin toqtatady, al keıbiri toqtaýsyz tranzıtpen ótip ketedi. Jolaýshylardan atalǵan karantındegi qalalarǵa barmaýyn jáne de aldyn ala alynǵan bıletterin ótkizýin ótinip suraımyz»,-delingen habarlamada.
Poıyzdardyń qozǵalys kestesi týraly barlyq aqparatty QTJ saıtynda jáne BILET.RAILWAYS.KZ saıtynan alýǵa bolady.
