QTJ óz kúshimen qaryzdaryn óteı alady – mınıstr
ASTANA. KAZINFORM – Defoltqa ushyraýy múmkin dep synalǵan «Qazaqstan temir joly» ulttyq kompanııasy byltyr 134 mlrd teńge taza paıda tapqan. Bul týraly QR Kólik mınıstri Kólik mınıstri Marat Qarabaev aıtyp berdi.
Buǵan deıin Joǵary aýdıtorlyq palata tóraǵasy Álıhan Smaıylov QTJ defolt aldynda turǵanyn aıtqan edi. Onyń boryshy 2024 jyldyń basynda 2,9 trln teńgege jetken.
«Kompanııa 2020 jyldan beri tıimdi ári jyl saıyn taza paıda taýyp jatyr. Mysaly 2023 jyldyń qorytyndysy boıynsha kompanııanyń barlyq qaryzdaryn, mindettemelerin tólegennen keıingi taza paıdasy 134 mlrd teńgeni kórsetti. ıAǵnı QTJ kompanııasynda óz bereshegin óteýge úlken múmkindigi bar», - dedi Marat Qarabaev Úkimette ótken brıfıngte.
Onyń aıtýynsha, qazir jolaýshylar parkin salý men jańartýǵa jáne lokomotıv parkin jańartýǵa baǵyttalǵan barlyq iri jobalar QTJ óz qarajaty esebinen júzege asyrylýda.
Belgili bir jaǵdaılarda memleket olardyń shyǵyndarynyń bir bóligin sýbsıdııalaıdy.
«Ulttyq kompanııa alǵan 2,9 trln teńge nesıe jyljymaly quramdy jańartýǵa jáne iri ınfraqurylymdyq jobalardy iske asyrýǵa jumsalady. Biraq búgingi kúnge deıin QTJ birde-bir kredıttik qaryzyn keshiktirgen emes. Ulttyq kompanııanyń barlyq nesıeleri óz ýaqytynda tólenip otyr», - dep tolyqtyrdy mınıstr.
