QTJ-nyń basshysy Talgonyń kemshiligin atady
ASTANA. QazAqparat - QR Investıtsııalar jáne damý mınıstri Jeńis Qasymbek «Talgo» júrdek poıyzynyń kemshiligin joıýdy tapsyrdy, dep xabarlaıdy QazAqparat tilshisi.
«Qańtar aıynda -40 gradýstyq qatty aıazdar boldy. Sol kezde «Talgo»-ǵa qatysty birqatar qıyndyqtar boldy. Atalǵan máseleni qalaı sheshemiz?», - dedi J.Qasymbek mınıstrliktiń búgingi alqa májilisinde.
«Qazaqstan temir joly» ulttyq kompanııasynyń prezıdenti Qanat Alpysbaevtyń aıtýynsha, Atalǵan máseleni ol jeke baqylaýda ustap otyr.
«Aýa temperatýrasy tómendegen kezde eki oqıǵa boldy. Ol kezde pnevmatıkalyq baqylaý júıesi isten shyqqan bolatyn. Qazirgi kezde biz osy máseleni óndirýshi kompanııamen birge pysyqtap jatyrmyz. Árıne, aldaǵy ýaqytta ondaıǵa jol bermeýge tyrysamyz», - dep atap kórsetti Q.Alpysbaev.
Aıta keteıik, aǵymdaǵy jyly 4 qańtarda Astana-Lenınogorsk baǵytyndaǵy №375 poezdan texnıkalyq aqaýlyq shyǵyp, «Talgo» vagondarynda aýa temperatýrasy kúrt tómendep ketken edi. Sonyń saldarynan 228 jolaýshyny basqa poezǵa aýystyrýǵa týra keldi. Talgonyń ornyna kýpe-vagondary bar №153 Semeı-Astana poezy jolǵa shyǵarylǵan bolatyn.
