QTJ-nyń 59 laýazymdy tulǵasy əkimshilik jaýapkershilikke tartyldy

ASTANA. QazAqparat – Qazaqstan temir joly kompanııasynyń 59 laýazymdy tulǵasy əkimshilik jaýapkershilikke tartyldy. Bul týraly Májilis depýtattarynyń saýalyna QR Bas prokýrory Berik Asylovtyń jaýabynda aıtylǵan, dep habarlaıdy QazAqparat tilshisi.

Osy jyly Kólik komıtetiniń aýmaqtyq bólimsheleri magıstraldyq temirjol jelisiniń 8 obektisin tekserdi. Nətıjeleri boıynsha ərtúrli buzýshylyqtardy joıý týraly nusqama berildi. Іshki ister mınıstrligi Indýstrııa jəne ınfraqurylymdyq damý mınıstrligimen jəne Qazaqstan temir jolymen birlesip, temirjol tóseminiń boıynda qorshaý qurylǵylarynyń bolýyna 1 022 tekserý júrgizdi. Onyń qorytyndysy boıynsha QTJ-ǵa 832 usynys engizildi. Ákimshilik quqyq buzýshylyq týraly kodekstiń 479-baby boıynsha QTJ-nyń 59 laýazymdy tulǵasy əkimshilik jaýapkershilikke tartyldy», - dedi Berik Asylov.

Onyń atap ótýinshe, QTJ poıyz qozǵalysynyń qaýipsizdigin qamtamasyz etý maqsatynda aldyn alý jumysyn júrgizip otyrady.

«Temir joldarǵa tikeleı jaqyn ornalasqan eldi mekenderdiń turǵyndaryna qaýiptiligi joǵary aımaqtaǵy tərtip jəne mal jaıý erejeleriniń talaptary túsindirilip keledi. Bógde adamdardyń belgilenbegen jerlerden ótýine jol bermeý maqsatynda quqyq qorǵaý organdarymen birlesip, stansalardyń aýmaqtarynda reıdter júrgiziledi», - dedi ol.