QTJ-nyń IPO-sy 2026 jyly ótedi — Ǵıbrat Aýǵanov
ASTANA. KAZINFORM — «Samuryq-Qazyna» qorynyń Korporatıvtik basqarý, áleýmettik-eńbek qatynastary jáne eńbekti qorǵaý jónindegi basqarýshy dırektory Ǵıbrat Aýǵanov «Qazaqstan temir joly» ulttyq kompanııasynyń úsh lıstıngili IPO-syna baılanysty taraǵan málimetterge túsinikteme berdi.
— 23 mamyrda resmı baspasóz relızin taratqanbyz. Iá, kvazımemlekettik sektordy jekeshelendirý týraly Úkimettiń 2025 jylǵy qaýlysyna sáıkes, «QTJ»-nyń ІRO-daǵy targeti 2026 jyly dep kórsetilgen. «Samuryq qory» da, «QTJ» da osy maqsatty ustanamyz. Qazir biz London men Gonkongtyń, Qazaqstannyń jergilikti bırjasynda bolatyn halyqaralyq ІRO-ǵa, úshjaqty lıstıngke qyzý daıyndalyp jatyrmyz, — dedi ol.
«Samuryq» ókili bul protsess kóp ýaqyt alatynyn atap ótti.
— Qazir soǵan basa nazar aýdaryp jatyrmyz. Lıstıng talaby boıynsha basqa málimetterdi asha almaımyz. Biraq target 2026 jyly bolady, — dedi Ǵıbrat Aýǵanov.
Eske salsaq, ótken aptada BAQ Kólik mınıstri Nurlan Saýranbaevqa silteme jasap, QTJ-nyń IPO-sy 2027 jylǵa shegerilgenin habarlaǵan bolatyn.
Aıta keteıik, elimizde temirjolshylarǵa alǵashqy jarnasyz 4 paıyzdyq ıpoteka beriledi.
