QTJ-nyń fılıaldary stantsııalyq joldardy zańsyz jalǵa bergen

ASTANA. KAZINFORM – Prokýratýra QTJ-nyń vokzal joldaryn jalǵa berý áreketin anyqtap, sotqa shaǵym túsirdi. Bul týraly Bas kólik prokýratýrasynyń baspasóz qyzmeti málim etti. 

Tekseris barysynda «QTJ» UQ» AQ aýmaqtyq bólimsheleriniń memlekettik múlikke bılik etý kezinde negizsiz artyqshylyq berý faktileri anyqtaldy.

Osylaısha, temirjol operatory 3 jyl boıy «Vostokmashzavod» AQ-ǵa múliktik jalǵa berýge jatpaıtyn stantsııalyq joldardy ýaqytsha menshikke bergen. Bul zańsyz áreket jalǵa alýshylarǵa 4 mıllıard teńgege jýyq bos turǵan vagondar úshin mindetti tólemderdi tólemeı, sytylyp ketýge jol bergen. 

Osyǵan baılanysty prokýratýra Abaı, Aqtóbe, Jambyl, Qaraǵandy oblystarynyń sottaryna jalǵa berý sharttaryn buzý týraly, talap aryzdar berdi.

Qazirgi ýaqytta qadaǵalaý organynyń talaptary tolyq kólemde qanaǵattandyryldy. Sot sheshimderi zańdy kúshine engen joq.