QTJ qyzmetkeri 82 mln teńgeden astam qarjyny jymqyrǵan

ALMATY. QazAqparat – Qazaqstan temir joly ulttyq kompanııasynyń qyzmetkeri 82 mln teńgeden astam qarjyny kompanııada jumys istemeıtin adamdardyń atyna eńbek demalysy tólemi retinde aýdaryp, qoldy qylǵan, dep habarlaıdy QazAqparat Almaty kólik prokýratýrasynyń baspasóz qyzmetine silteme jasap.

Almaty kólik prokýratýrasy «QTJ Júk tasymaly» «Almaty jol bólimshesi» fılıalynyń laýazymdy tulǵasynyń asa iri mólsherde aqsha urlaý faktisin anyqtady.

«K» laýazymdy tulǵa mekemege qatysy joq azamattardyń banktik shottaryna 82 mln teńgeden astam somany demalys tólemi aýdarǵan. Sondaı-aq, ol aýdarylǵan somany óz qajettiligine jumsaǵan.

«Atalǵan fakt boıynsha materıaldar Qylmystyq kodekstiń 189-baby 4-bóliginiń 2-tarmaǵy boıynsha «asa iri mólsherde kinálige senip tapsyrylǵan múlikti ıemdený nemese ysyrap etý» boıynsha sotqa deıingi tergep-tekserý is júrgizý sheshimin qabyldaý úshin ekonomıkalyq tergeý qyzmetine jiberildi.

Almaty qalasy Almaly aýdandyq sotynyń 17 qańtardaǵy úkimimen «K» 5 jyl merzimge laýazymdy qyzmetpen aınalysý quqyǵynan aıryla otyryp, kináli dep tanylyp, 7 jylǵa shartty túrde sottaldy», - dep habarlaıdy vedomstvodan.

Úkim zańdy kúshine endi. Keltirilgen materıaldyq zalal tolyǵymen óteldi.