QTJ qyrǵyzstandyq áriptesterine júk tasymaly tarıfiniń qymbattyǵy týraly hat joldady
«Eýrazııalyq ekonomıkalyq odaq shartynyń erejelerine sáıkes, EAEO-ǵa múshe memleketterdiń aýmaqtary boıynsha júkterdi temirjolmen tasymaldaýǵa arnalǵan tarıfter birizdendirilgen jáne tasymaldaý qatynastaryna (ishki, eksport nemese ımport) baılanysty emes. «Kyrgyz temır jolý» UK» MK temirjol kompanııasynyń birizdendirilgen tarıfteriniń mólsheri «QTJ» UK» AQ tarıfterinen orta eseppen eki ese joǵary. «Bishkek – Túrksib (Lýgovaıa)» temirjol jelisi, onyń ishinde «Merke – Túrksib» ýchaskesi Qyrǵyz temirjolynyń quramynda jáne «Bishkek – Túrksib» temirjoly arqyly júk tasymaldaý aqysyn «Kyrgyz temır jolý» UK» MK kompanııasy alady», - dep jazdy Q. Óskenbaev óz jaýabynda .
Onyń aıtýynsha, 1997 jyly 8 sáýirde Qazaqstan men Qyrǵyzstan úkimetteri arasynda temirjol kóligi kásiporyndarynyń, mekemeleri men uıymdarynyń qyzmetin quqyqtyq retteýdiń erekshelikteri týraly kelisimge qol qoıyldy. Kelisimniń №2 qosymshasyna sáıkes «Bishkek – Túrksib» temirjoly sheginde, atap aıtqanda «Merki – Túrksib» ýchaskesi boıynsha júkterdi tasymaldaý úshin tólemaqy QR aýmaǵynda qoldanylatyn tarıfter boıynsha, ıaǵnı QR Ulttyq ekonomıka mınıstrliginiń Tabıǵı monopolııalardy retteý komıteti bekitken tarıfter boıynsha alynýy tıis. Eger «Qyrǵyz temir jol» UK» MK «Merke – Túrksib» ýchaskesinde júkterdi tasymaldaý kezinde óziniń birizdendirilgen tarıfterin qoldansa, onda bul kelisimniń erejelerine qaıshy keledi.
«QTJ» UK» AQ aqparaty boıynsha, bıylǵy 11 naýryzda «QTJ» UK» AQ «Kyrgyz temır jolý» UK» MK-ǵa kelisim sheńberinde Qyrǵyzstan temir joldarynyń quramyna kiretin Bishkek – Túrksib jelisiniń «Qaıyńdy stantsııasy-Túrksib stantsııasy» ýchaskesi boıynsha júkterdi tasymaldaý kezinde tarıfterdiń qoldanylýyn túsindirý týraly hat joldady. «Kyrgyz temır jolý» UK» MK jumys qorytyndysy boıynsha aqparat qosymsha usynylatyn bolady», - deıdi Indýstrııa mınıstri.
