«QTJ» kompanııasy men ІVM korporatsııasy málimetterdi irikteýdiń esepteý kesheni jobasyn tanystyrdy
ASTANA. 11 qarasha. QazAqparat /Rýslan Ǵabbasov/ - Búgin «Qazaqstan temir joly» UK men ІVM korporatsııasy bir ortalyqta málimetterdi irikteýdiń joǵary sapaly esepteý kesheni jobasyn iske asyrdy.
Jobany júzege asyrý júk jáne jolaýshylar tasymaly úderisin úzdiksiz basqarýǵa arnalǵan. Atalǵan ortalyq búgin Astanadaǵy «QTJ» kompanııasynyń ǵımaratynda tanystyryldy.
«Bul bizdiń kompanııa jumysyndaǵy derekterdiń saqtalýyna arnalǵan júıe. Eger de temir jol salasyndaǵy málimetter saqtalmaı qalsa, bizdegi memlekettik, qarjylyq jáne tapsyrys berýdiń eseptilik qujattary joǵalady. ıAǵnı, temir jol quramdary qoldan basqarý júıesine kóshiriletin bolady», - dedi «QTJ» UK-nyń «Bas esepteý ortalyǵy» fılıalynyń dırektory Qaırat Rsymbetov.
«Kúnine 1,5 myń poezd basqarylady. Sondyqtan osynshama quramdy qolmen basqarý múldem múmkin emes. Osy oraıda jumysty úzdiksiz atqarý úshin atalǵan júıe boıynsha negizgi jáne qosalqy ortalyq jasaqtalatyn bolady»,-dedi ol.
Taratylǵan málimetterge qaraǵanda, ІVM júıesin iske qosý kompanııanyń óndiristik úderisterin basqarýdaǵy ekonomıkalyq tıimdiligine jol ashady. Túrli tosyn jaǵdaılardyń aldyn alýǵa yqpal etedi. Eki kompanııa arasyndaǵy kelisimshart 2010 jyldyń tamyzynda jasalǵan kórinedi. Jobany 2011 jyldyń birinshi jartysyna deıin tolyǵymen aıaqtaý josparlanyp otyr jáne onyń jalpy quny 1,2 mlrd teńgeni quraıdy.
Dırektordyń sózine qaraǵanda, eger de negizgi ortalyq jumysy birshama ýaqytqa isten shyǵatyn bolsa, onda atqarylyp jatqan eseptilik jumystary ekinshi qosalqy ortalyqqa eshbir kedergisiz aýysady. ıAǵnı, bul arqyly temir joldaǵy barlyq tasymaldardy toqtaýsyz basqarýǵa múmkindik bolady.
