QTJ: Kómir temirjol arqyly tutynýshylarǵa úzdiksiz jetkizilip jatyr

NUR-SULTAN. QazAqparat - Tas kómir temirjol arqyly tutynýshylarǵa úzdiksiz jetkizilip jatyr. «Qazaqstan temir joly» kompanııasy osylaı málimdedi dep, habarlaıdy QazAqparat.

Ulttyq kompanııanyń málimetinshe, qazirgi ýaqytta temir jol arqyly áleýmettik mańyzy bar júk-tas kómirdi tasymaldaý jospar boıynsha júzege asyrylyp jatyr.

«Qańtar aıynyń 11 kúninde 3,5 mln tonna qatty otyn tıelip, ótken jyldyń uqsas deńgeıine qaraǵanda ósim 1,2% qurady. Onyń ishinde JEO - ǵa 2,2 mln tonna jetkizilip, kómir qorynyń ulǵaıý úrdisi baıqalýda. Áleýmettik mańyzy bar júkterdi tasymaldaý «QTJ» UK» AQ erekshe baqylaýynda», delingen habarlamada.

Kompanııanyń málimdeýinge, kún saıyn kómir razrezderi ókilderiniń qatysýymen jedel shtab keńesteri ótkiziledi. Mańyzdy júkti tasymaldaý úshin jartylaı vagondar júk jóneltýshilerdiń ótinimderine sáıkes tolyq kólemde beriledi.