QTJ qarjylyq jaǵdaıyn qanshalyqty jaqsartty

ASTANA. KAZINFORM — «Qazaqstan temir joly» ulttyq kompanııasy óziniń qarjylyq jaǵdaıyna qatysty túsinik berdi.

- «QTJ» UK» AQ (QTJ) sońǵy 4 jylda shyǵyndaryn jaýyp, qarjy-ekonomıkalyq kórsetkishterdiń oń úrdisin kórsete otyryp, 2020 jyldan bastap taza paıda alyp jatyr. 2023 jyly óndiristik jáne qarjylyq kórsetkishter maksımýmǵa jetti, - delingen kompanııanyń Kazinform agenttigine bergen jaýabynda.

Bul turǵyda QTJ «Samuryq-Qazyna» AQ qorymen jáne Úkimetpen birlese qarjylyq jaǵdaıdy jaqsartý bóliginde josparly jumysty atqaryp jatyr.

- QTJ óziniń boryshtyq mindettemelerine derbes jáne ýaqytyly qyzmet kórsetedi. Osy oraıda qaryzyn ótep keledi, bul óz kezeginde kredıt qarajaty men kepildikter beretin kredıtorlardyń (halyqaralyq qarjy ınstıtýttary, bankter) senimimen rastalyp otyr. QTJ-nyń qarjylyq turaqtylyǵyn reıtıngterdi jyl saıyn aıqyndaý jolymen anyqtaıtyn halyqaralyq reıtıngtik agenttikter (Moodys «Baa2», S&P «BB», Fitch «VVV -) naqtylady, - dep atalyp ótken QTJ aqparatynda.

Eske salsaq, byltyr jazda Joǵary aýdıtorlyq palata tóraǵasy Álıhan Smaıylov «Qazaqstan temir joly» kompanııasy defolt aldynda turǵany týraly málimdedi.