QTJ qar basyp qalǵan aýdandardan jolaýshylardy shyǵaryp jatyr

Aýa raıynyń qolaısyzdyǵyna baılanysty qazaqstandyqtar dittegen jerine ushaqpen ne kólikpen jete almaı jatyr. Al keıbir jolaýshylar qardyń qalyńdyǵy men kóktaıǵaqqa baılanysty tipti jolda qalyp qoıyp ta jatyr. Osyǵan baılanysty qazirgi tańda eń ońtaıly kólik –poıyz bolyp otyr, dep habarlaıdy Kazinfrom «Qazaqstan temir joly» UQ» AQ-nyń baspasóz qyzmetine silteme jasap.

QTJ ókilderiniń habarlaýynsha, kesheden beri temirjolshylar qar qursaýynan 700 adamdy shyǵardy. Kókshetaý, Qaraǵandy, Pavlodar men ózge de baǵyttarǵa jolǵa shyqqysy keletin jolaýshylar úshin 2 myń oryndyq qosymsha vagondar jalǵandy.

QTJ ókilderi turǵyndardy jol ashylǵansha, kóliktiń kez kelgen túrimen saparǵa shyǵýdan bas tartýǵa shaqyrady.