QTJ men Huawei: Qazaqstan temir joldarynyń tsıfrlyq transformatsııasy qalaı júrip jatyr
ASTANA. KAZINFORM - «Qazaqstan temir joly» UK» AQ jáne Huawei Technologies Kazakhstan qazaqstandyq temir joldardy tsıfrlandyrýǵa baǵyttalǵan strategııalyq áriptestik aıasynda derekterdi berý jelilerin jańǵyrtýdyń birinshi kezeńin iske asyrdy.
Derekterdi berý jelileri logıstıka salasyndaǵy ınnovatsııalyq tehnologııalarǵa kóshý maqsatynda ulttyq tasymaldaýshynyń tsıfrlyq transformatsııalaý strategııasyn iske asyrý úshin tehnologııalyq negiz qalyptastyrylatyn bazalyq ınfraqurylym bolyp tabylady.
Birinshi kezeńde «QTJ» UK» AQ-da SD-WAN tehnologııasy engizildi, ol Astanadaǵy bas keńseni jáne Qazaqstannyń 16 iri temir jol bólimshelerin baılanystyrady. QTJ-ǵa jelilik qurylǵylar men baılanys arnalarynyń jaı-kúıin dınamıkalyq ortalyqtandyrylǵan monıtorıngteý, joǵary ónimdilik, sapa, basymdyqtar men kidirister turǵysynan servısterdi ońtaıly marshrýttaýdy qurý sııaqty osy sheshimniń barlyq artyqshylyqtary qoljetimdi bolady.
Huawei SD-Wan sheshimi QTJ-ǵa derekterdi berý jelilerin ońtaılandyrýǵa jáne ınfraqurylymdy basqarýdy jeńildetýge múmkindik beredi. SD-WAN derekterdi berýdiń joǵary jyldamdyǵyn, jeliniń senimdiligin jáne jelini basqarýdaǵy ıkemdilikti qamtamasyz etedi. Tehnologııa sonymen qatar kez-kelgen jaǵdaıda senimdi jumys isteı otyryp, jelini qazirgi qajettilikterge sáıkes beıimdeýdi jáne masshtabtaýdy jeńildetedi. ZTP (Zero-touch provisioning) tehnologııasyn qoldanýdyń arqasynda SD-WAN sheshiminiń qyzmetterdi konfıgýratsııalaý jáne kóshirý boıynsha kóp ýaqytty qajet etpesten jańa stantsııalardy ońaı qosýǵa múmkindigi bar.
«Biz Qazaqstan temir jolyn tsıfrlyq jańǵyrtý máselesinde QTJ-men yntymaqtasatynymyzdy maqtan tutamyz. Bizdiń SD-Wan sheshimimiz jelini basqarýdy jeńildetip qana qoımaıdy, sonymen qatar QTJ sııaqty kompanııalar úshin mańyzdy bolyp tabylatyn joǵary ónimdilik pen qaýipsizdikti qamtamasyz etedi. Bizdiń yntymaqtastyǵymyz Qazaqstannyń temir joldary úshin neǵurlym ınnovatsııalyq jáne baılanysty bolashaqqa jol ashýdaǵy mańyzdy qadam bolatynyna senimdimiz», - dep atap ótti Huawei Technologies Kazakhstan jelilik sheshimder jónindegi tehnıkalyq dırektory Andreı Sım.
«Derekterdi berý jelisin jańǵyrtý 15 jyl buryn paıdalanýǵa berilgen QTJ DBJ-nyń eskirgen jabdyǵyn aýystyrýdy maqsat etedi. Huawei kompanııasynyń SD-WAN tehnologııasy boıynsha zamanaýı sheshimi marshrýttaý protsesterin basqarýdyń ıkemdi júıesin qamtamasyz etýge jáne basqarýdyń dástúrli túrinen ortalyqtandyrylǵan basqarý prıntsıpine kóshýge múmkindik beredi, bul aımaqtyq jáne ortalyq qyzmetter arasynda taratylatyn derekterdi basqarýdyń ıkemdi tásilin qamtamasyz etedi. Budan basqa, derekterdiń ótkizý qabiletin arttyrady, bul aqparatty berý jyldamdyǵyna neǵurlym talap etiletin zamanaýı tehnologııalardy engizýge múmkindik beredi. Jobany iske asyrý «Transtelekom» AQ, Huawei Technologies Kazakhstan mamandary men «QTJ» UK» AQ Bas esepteý ortalyǵy mamandarynyń úılesimdi jumysynyń arqasynda múmkin boldy, — dep atap ótti «QTJ» UK» AQ - «Bas esepteý ortalyǵy» fılıalynyń Jelilik júıelerdi engizý departamentiniń dırektory Neǵmetjan Іlııas Maratuly.
SD-WAN engizý boıynsha QTJ jáne Huawei yntymaqtastyǵy Qazaqstannyń temirjol ınfraqurylymyn tsıfrlandyrý jáne jańǵyrtý jolyndaǵy mańyzdy qadam bolyp tabylady. Bul joba eki kompanııanyń da qyzmet kórsetý sapasy men jumys tıimdiligin jaqsartý úshin ozyq tehnologııalardy engizýge beıildiligin kórsetedi. QTJ jáne Huawei birlesken jumysy ındýstrııanyń qazirgi zamanǵy damýyna jáne servıs deńgeıin arttyrýǵa járdemdese otyryp, protsestiń barlyq qatysýshylaryna eleýli paıda ákelýge ýáde beredi.
