«KTZ EXPRESS» AQ-ǵa qomaqty aıyppul salyndy
ASTANA. KAZINFORM — «QTJ UK» enshiles uıymynyń jumysynda monopolııaǵa qarsy zańnama buzýshylyqtary anyqtalǵan, dep habarlaıdy Astana qalasy boıynsha Básekelestikti qorǵaý jáne damytý agenttiginiń departamenti.
Qalalyq departament «KTZ EXPRESS» AQ-ǵa qatysty tergep-tekserý júrgizdi. Tekseris barysynda 2021 jyly áskerı tasymaldaý aıasynda kólik-ekspedıtorlyq qyzmetterge monopolııalyq joǵary baǵalardy belgileý faktileri anyqtaldy.
— Tergep-tekserý barysynda Aktsıonerlik qoǵam belgilegen ekspedıtorlyq komıssııalardyń Qazaqstan aýmaǵy boıynsha tasymaldaý qunynyń 30%-ǵa jetip, ruqsat etilgen normalardan asyp ketkeni anyqtaldy. Ákimshilik quqyq buzýshylyq jónindegi Mamandandyrylǵan aýdanaralyq sotta isti qaraý qorytyndysy boıynsha kompanııaǵa 10 114 304,84 teńge mólsherinde monopolııalyq tabysy tárkilenip, 853 379,7 teńge mólsherinde aıyppul taǵaıyndaldy. Sot qaýlysy zańdy kúshine endi, — delingen departament taratqan aqparatta.
Bul rette Básekelestikti qorǵaý jáne damytý agenttiginiń departamenti Bas kólik prokýratýrasymen birlesip tergep-tekserýdi júrgizdi.
Budan buryn habarlanǵandaı, QTJ qarjylyq jaǵdaıyn qanshalyqty jaqsartqany anyqtaldy.