QTJ elimizdiń birqatar óńirinde jolaýshylar poıyzynyń keshigý sebebin túsindirdi
«Infraqurylymdy jańǵyrtý jáne qazirgi jaǵdaıda kútip ustaý boıynsha josparly jumystardy júrgizý úshin QTJ poıyzdar qozǵalysy jyldamdyǵyna ýaqytsha shekteý engizdi. Bul jolaýshylar jáne júk poıyzdarynyń qozǵalys kestesiniń saqtalýyna yqpal etedi. Astana-Almaty, Almaty-Petropavl, Shymkent-Astana, Jezqazǵan-Almaty, Almaty-Oral baǵyttaryndaǵy poıyzdar keshigýi múmkin. Kompanııa jolaýshylardan keltirilgen qolaısyzdyq úshin keshirim suraıdy jáne oryn alǵan jaıtqa túsinistikpen qaraýdy ótinedi. «QTJ» UK» AQ jóndeý jumystary jappaı júrgizilgen jaǵdaıda jolaýshylar poıyzynyń normatıvtik kestesin saqtaý boıynsha kúndelikti is-sharalar qabyldaıdy», - dep atap ótti kompanııadan agenttik tilshisine.
Kompanııa málimetinshe, qazirgi ýaqytta temir jol ınfraqurylymyn jóndeý jumystarynyń aýqymy ulǵaıtylǵan. Bıyl 1,1 shaqyrymnan astam joldy jóndeý kózdelip otyr. Onyń barysynda 108 myńnan astam shpal aýystyrylyp, 634 baǵyt aýystyrý jıyntyǵy jańartylady.
Aýqymdy jumystar Atyraý, Aqtóbe, Qyzylorda, Qostanaı, Pavlodar, Abaı jáne Almaty oblystary aýmaǵynda júrgizilip jatyr. Máselen, Arshaly-Babataı ýchkaskesinde rels tirekteri men baǵyt aýystyrý jıyntyqtary tolyǵymen jańartylady.
Moıynty-Qaraǵandy-Astana ýchaskesinde de keshendi jumystar júrgizilýde. Máselen, magıstraldyq jeliniń Jambyl bólimshesindegi ýchaskede joldy kúrdeli jáne kúsheıtilgen ortasha jóndeý aıaqtaldy.